VOV4.Jarai - Lơ 25/8/2021, ƀơi sang bruă Kơnuk kơna, Khua dêh čar ơi Phạm Minh Chính hơmâo tŭ jum Kơ-iăng khua mir sir dêh čar Mi, yă Kamala Harris glăk rai čuă Việt Nam. Ƀơi mông bưp, lăi nao kơ hơdră pơtrut tơlơi ngă hrŏm dua bơnah, Khua dêh čar ơi Phạm Minh Chính lăi Việt Nam lăng tơlơi bơwih ƀong - sĭ mơdrô lĕ gong tơmeh phun, anai lĕ tơlơi pơtrut kiăng hơmâo tơlơi rô nao rai Việt Nam - MI; kiăng dua bơnah ngă hrŏm hloh dong kiăo tui Hră pơkôl Sĭ mơdrô hăng tuh pơ plai (TIFA), laih dong sem lăng tơlơi dưi akŏ pơjing hơdră ngă hrŏm bơwih ƀong huă - sĭ mơdrô phrâo kiăng pơđĭ hloh dong tơlơi sĭ mơdrô mơ-ak, hơđong kơjăp. Lăi glăi hơdôm tơlơi pơgôp hiăp mơng Khua dêh čar ơi Phạm Minh Chính, Kơ-iăng khua mir sir yă Kamala Harris lăng yôm biă tơlơi gir run mơng Việt Nam amăng bruă pơgang klin Covid-19, pơsit dêh čar Mi amra djtu ba sit nik kiăng Việt Nam pơgang klin klă hloh, pơgang klin kheng pơkŏn pơ anăp anai, djă bong hơđong ƀu tơ̆i dlơi ôh bruă ba hyu gơnam ƀơi rŏng lŏn tơnah. Kơ-iăng khua mir sir lăi pơhmư̆ dêh čar Mi amra djru dong mơn kơ Việt Nam 1 klăk liêu vaccine Pfizer laih anun amra mơ-it kơ Việt Nam amăng 24 mông dong.

Siu H’Mai: Pơblang