VOV4.Jarai - Tlam lơ 31/8, Khua dêh čar ơi Phạm Minh Chính hơmâo nao sem lăng Sang ia jrao pơjrao mơnuih ƀă kman Covid-19 ƀơi Hà Nội gah Sang ia jrao Đại học Y Hà Nội ƀơi phường Yên Sở, kuâ̆n Hoàng Mai, Hà Nội laih anun sem lăng, pel ĕp hơdôm anih hơmâo klin kơtang hloh ƀơi kuâ̆n Thanh Xuân, Hà Nội. Ƀơi mông jơnum hăng khua mua ƀon prong pơphun  tơdơi kơ hrơi nao ĕp lăng bruă mă ƀơi ƀon prong, Khua dêh čar ơi Phạm Minh Chính lăi rơđah, klin kheng dŏ kơtang đôč, mơnuih ƀon sang Hà Nội tơbiă hyu ăt lu đôč, yua hnun Khua dêh čar ta lăi, glăk ngă tui tơlơi pơtrun mrô 16 tui anun jing aka ƀu djơ̆ ôh. Khua dêh čar kiăng să, phường khŏm pơčrang kman tui tơlơi pơtô ba. Khŏm ngă hơdeč hmar. Să phường čơkă mơnuih ruă, pơjrao brơi tañ hloh tơdah dưi, bơwih brơi bruă ia jrao tañ hloh, jê̆ hăng mơnuih ƀon sang hloh, đah mơng plai ƀiă hơmâo tơlơi djai brŭ, huăi kơhniă đơi ƀơi sang ia jrao, mơnuih ƀon sang ăt hơđong mơn yua hơmâo pơjrao brơi tañ.

Siu H’Mai: Pơblang