VOV4.Jarai -  Ăt ƀrô djơ̆ tal nao pơhmư̆ mông Jơnum COP26, ƀơi dêh čar Anglê mơn, Khua dêh čar ta ơi Phạm Bình Minh hmâo laih mông mă bruă hăng Khua Grŭp AstraZeneca hăng lăng hmư̆ mông ngă lơphet kĭ hăng lăi pơthâo hơdôm tơlơi pơkôl gum hrom kơplah wah AstraZeneca hăng bơnah Việt Nam. AstraZeneca amra tuh pơplai 2 rơbâo klai prăk (90 klăk dolar Mi) kiăng djru Việt Nam pơđĭ tui bôh thâo bruă pơkra jrao amăng lŏn ia, djru mơnuih ruă dưi tŭ mă klă hloh hăng hơdôm ia jrao klă dưi pơkra ƀơi Việt Nam.

Pơhiăp amăng mông mă bruă, Khua dêh čar ơi Phạm Minh Chính bơni kơ AstraZeneca hmâo djru hmao tlôn vaccine kơ Việt Nam hơdôm hrơi rơgao, gơnang kơ anun djru yôm phăn wai lăng klin Covid-19; djru kơ bruă pơgang, bơwih brơi tơlơi suaih pral mơnuih ƀôn sang. Khua dêh čar ta čang rơmang AstraZeneca tañ jao abih mrô vaccine dô̆ glăi hmâo pơkôl brơi kơ Việt Nam djơ̆ rơnoh; pơsit Việt Nam čang rơmang gum hrom tañ hăng AstraZeneca sui thun, pơhlôm hơđong bruă ia jrao amăng tơlơi rŏng lŏn tơnah glăk ƀu hơđong yua kơ pơplih ayuh hyiăng hăng klin ruă ngă./.

Siu H’ Prăk: Pô pơblang