VOV4.Jarai - Ƀrô bơyan čơkă Noel thun 2021, tlam lơ 17/12, Khua dêh čar ơi Phạm Minh Chính hơmâo nao čuă, pơpŭ bơyan ngui Noel thun 2021 kơ ƀing ama, ƀing amai, mơnuih đăo khŏp ƀơi tơring čar Bà Rịa - Vũng Tàu. Nao čuă tơring đăo Long Hương hăng Sang jơnum prong tơring čar Bà Rịa - Vũng Tàu, Khua dêh čar ta ơi Phạm Minh Chính čang rơmang neh met wa tŏ tui pran “Pơpŭ khua yang, khăp kơ lŏn ia”, ngă tui hơdră bruă, tơlơi pơtrun, tơlơi phiăn mơng Ping gah, Kơnuk kơna, gir run hrưn đĭ kiăng tơlơi hơdip jai hrơi trơi pơđao, yâo mơ-ak, thâo gum pơgôp, khăp pa tơdruă, gum tơngan hrŏm man pơdong plơi pla, lŏn ia jai hrơi pơđĭ kyar. Khua dêh čar ta ăt rơkâo gưl Ping gah, gong gai đing nao bruă tlâ̆o vaccine hăng rơkâo ƀing ama pơtrut pơsur neh met wa đăop khŏp lăi phara hăng abih bang mơnuih ƀon sang hnun mơn tañ nao tlâ̆o vaccine, yua kơ tơlơi suaih pral kơ ta pô, sang anŏ hăng abih bang mơnuih. Laih dong, ngă tui khut khăt bruă pơgang klin anun lĕ 5K, răng kơđiăng amăng abih bang mơnuih ƀon sang.

Siu Đoan: Pơblang