VOV4.Jarai - Ăt amăng tlam tom brơi lơ 26/10, Khua dêh čar ơi Phạm Minh Chính nao pơhmư̆ hăng pơhiăp ƀơi mông Jơnum khua mua ASEAN - Khač tal 24. Pơhiăp ƀơi mông jơnum, Khua dêh čar ơi Phạm Minh Chính pơsit, hăng tơlơi rô nao rai jê̆ giăm 30 thun, 25 thun pơtom hiăp, 18 thun ngă gŏp bơwih ƀong, ASEAN hăng Khač hơmâo akŏ pơjing tơlơi ngă hrŏm abih bang, amăng djŏp bruă. Dưi hơmâo tơlơi anai lĕ yua tơlơi gir run hăng tơlơi ƀuăn kơjăp mơng dua bơnah gum hrŏm bơbuă tui tơlơi rô nao rai kiăo tui tơlơi đăo gơnang, thâo hluh, hăng pơpŭ nao rai, ngă hrŏm kiăng ba glăi tơlơi klă hiam. Khua dêh čar hok mơ-ak hăng čang rơmang dêh čar Khač, hăng tơlơi hơmâo, tơlơi kơdrưh kơang mơng ƀing ñu, ăt ngă hrŏm amăng kual hăng jar kmar djru pơgang klin, djă bong anih dŏ rơngai, hơđong kơjăp, hơkrŭ glăi pơđĭ kyar hơđong kơjăp.

Siu H’Mai: Pơblang