VOV4.Jarai -  Ƀơi Hà Nội phrâo pơphun Jơnum kơplah wah Kơnuk kơna hăng Grŭp apăn bruă Jơnum min djop djuai ania mơnuih mơnam dêh čar Việt Nam. Pơhiăp amăng mông jơnum, Khua dêh čar ơi Phạm Minh Chính lăi rơđah, Jơnum min djop djuai ania mơnuih mơnam dêh čar Việt Nam khom gum hrom kơjăp hloh hăng Kơnuk kơna amăng kơsem min, ngă giong hơdră pơkă, hơdră bruă gum djru, tơlơi phiăn, pơjing djop tơlơi kiăng mơnuih ƀôn sang ngă tui tơlơi dưi pô, gum hrom ba glăi bôh tơhnal amăng bruă wai lăng kơnuk kơna, wai lăng mơnuih mơnam.

Kơnuk kơna rơkâo Jơnum min djop djuai ania mơnuih mơnam dêh čar Việt Nam hăng hơdôm khul grŭp kơđi čar – mơnuih mơnam, Grŭp pơtô ba mơnuih ƀôn sang dêh čar ta gum hrom hăng Kơnuk kơna, gum pran hrom, sa jua amăng pok pơhai hơdôm bruă mă phun mơ̆ Jơnum tal 13 mơng Ping gah hmâo ba tơbiă kah hăng: juăt hăng pơhlôm, thâo pơplih, wai lăng ba glăi bôh tơhnal Covid-19, pơgang rah, pơgăn truh kih rah laih anun hơkrŭ glăi hăng pơtrut pơđĭ kyar bơwih ƀong mơnuih mơnam, pơhlôm hơđong tơlơi hơdip mơnuih mơnam hăng pơhlôm mơnuih ƀôn sang, hơđong plơi pla, pơhlôm mơnuih mơnam lĕ bruă mă ječ, phun, ba jơlan hlâo amăng rơwang ră anai./.

Siu H’ Prăk: Pô pơblang