VOV4.Jarai - Khua dêh čar ta phrâo hơmâo kông điêng mơ-it Khua git gai Ping gah ƀôn prong, Ping gah tơring čar hăng Khua Jơnum min mơnuih ƀon sang ƀôn prong Hồ Chí Minh hăng hơdôm tơring čar: Bình Dương, Đồng Nai, Long An; Khua ding jum, khua anom bruă bơkơnar ding jum, anom bruă amăng Kơnuk kơna; Khul git gai dêh čar amăng pơgang klin Covid-19; Grup djru bruă yôm phăn mơng Kơnuk kơna amăng pơgang klin Covid-19. Amăng kông điêng hơmâo boh tơhnal čih: Lăng să, phường, tơring kual lĕ anih pơgang klin phun, mơnuih ƀon sang lĕ mơnuih djru pơgang klin kiăng kơ iâu pơthưr, pơtrut pơsur, črâo ba mơnuih ƀon sang ƀu dưi tơbiă hyu gah rơngiao, “dŏ pơpă hơđong ƀơi anun”, pơčlah mơnuih hăng mơnuih, sang anŏ hăng sang anŏ, să phường hăng să phường. Mơnuih ƀon sang lĕ akŏ phun, lĕ mơnuih djru pơgang klin. Pran gum hrŏm, ngă tui tơlơi pơkă mơng mơnuih ƀon sang lĕ yôm biă mă tơdah kiăng pơgang hĭ klin. Anai lĕ tơlơi gơgrong, lĕ bruă jao hăng tơlơi dưi mơng rĭm čô mơnuih kiăng kơ pơhlôm brơi tơlơi suaih pral kơ ta pô, sang anŏ hăng mơnuih mơnam. Tơdah dưi pơgang hĭ klin, anai lĕ tơlơi dưi kơ mơnuih ƀon sang.

Siu Đoan: Pơblang