VOV4.Jarai -  Ƀrô djơ̆ tal čuă dêh čar Prang, Khua dêh čar ta ơi Phạm Minh Chính hmâo laih mông bưp ƀô̆ mơta hăng mơnuih pơ ala kơ mơnuih dêh čar ta dô̆ ƀơi kual Mi Kô̆, dưi pơphun ƀơi Ƀirô anih jưh pơ ala kơ dêh čar Việt Nam ƀơi Prang. Pơhiăp amăng mông bưp ƀô̆ mơta, Khua dêh čar ta brơi thâo, ñu lăng ƀuh dơlăm pran jua pơđao mơng neh wa hmâo pơhmư̆ mông bưp ƀô̆ mơta mơng hơdôm anih ataih amăng tơlơi klin ruă ngă dô̆ tơnap tap, hăng hơdôm tơlơi pơhiăp abih pran jua, bă tơlơi gơgrong hăng plơi pla, lŏn ia, neh wa. Khua dêh čar ta lăi rơđah, mơnuih Việt Nam pơ̆ dêh čar tač rơngiao prong kơtang biă hăng 5 klăk čô mơnuih, hmâo tơlơi rô nao rai yôm phăn biă hăng lŏn ia. Khua dêh čar ta pơdah pran jua, pơ̆ anăp anai, tơlơi dưi hmâo Ping gah, Kơnuk kơna čang rơmang hloh lĕ neh wa dêh čar ta ngă tui pran jua gum hrom hơbit, pơlir hơbit, hrom hăng anun kĕ phĭ hrom hăng lŏn ia glăk dô̆ hơdip mơda, djru ngă tui jơlan gah pơtom hiăp rơngai, gơgrong pô, pơplih lu mơta, lu bơnah amăng pơtom hiăp; gơgrong hlâo, mut hrom klă jar kơmar abih bang; dơlăm prong; jing gơyut, gum hrom đăo gơnang hăng jing ding kơna klă, hmâo bruă gơgrong amăng jar kơmar./.

Siu H’ Prăk: Pô pơblang