VOV4.Jarai - Khua dêh čar ta ơi Phạm Minh Chính hơmâo mông bưp Khua git gai pơ ala mơnuih ƀon sang Lao ơi Saysomphone Phomvihane glăk rai čuă sik nik dêh čar Việt Nam. Khua dêh čar ta ơi Phạm Minh Chính hăng Khua git gai pơ ala mơnuih ƀon sang dêh čar Lao Saysomphone Phomvihane lăng yôm bruă ngă hrŏm tŭ yua kơplah wah Việt Nam - Lao amăng bruă pơgang klin Covid-19 amăng thun blan laih rơgao. Kơ bruă ngă hrŏm kơplah wah dua boh dêh čar pơ anăp anai, Khua dêh čar ơi Phạm Minh Chính hăng Khua git gai pơ ala mơnuih ƀon sang dêh čar Lao tŭ ư dua bơnah tŏ tui gum hrŏm kjăp pok pơhai tŭ yua hơdôm tơlơi pơkôl mơng khua mua dua bơnah, kah hăng prap lui hơdôm boh tơhnal kơ Jơnum tal 44 Jơnum min pơlir hơbit Kơnuk kơna Việt Nam - Lao pơ anăp anai; tŏ tui ngă hrŏm kjăp amăng bruă pơgang klin Covid-19; kơtưn ngă hrŏm bruă pơhlôm rơnuk rơnua; pơtrut kơtang, hrưn đĭ ngă hrŏm bơwih ƀong huă, sĭ mơdrô hăng tuh pơ alin kiăng kơ djơ̆ hăng tơlơi pơkôl pơkă rô nao rai giang mah kơplah wah dua boh dêh čar.

Siu Đoan: Pơblang