VOV4.Jarai -  Lơ 13/9, Khua dêh čar ta ơi Phạm Minh Chính, Khua Grŭp črâo bruă pơgang, pơgăn klin Covid-19 git gai mông jơnum lăng nao rai mơng ataih hăng hơdôm bôh să, phường, tơring kual, tơring glông, plơi prong hơdôm bôh tơring čar Tiền Giang, Kiên Giang kơ bruă pơgang, pơgăn klin Covid-19. Anai lĕ 2 anih anom hmâo hơdôm anih klin ngă phrâo, hăng ngă tơnap.

Ƀơi anih tô nao rai hăng Kơnuk kơna

Pơhiăp amăng mông jơnum, Khua dêh čar ta ơi Phạm Minh Chính sa wot dong pơsit tơhnal djơ̆ mơng hơdră pơtrun mă să, phường ngă anih gơgrong, mơnuih ƀôn sang lĕ ling tơhan; mơnuih ƀôn sang jing phun than, laih anun pô amăng pơgang, pơgăn klin. Bruă ba ia jrao nao giăm hăng mơnuih ƀôn sang hmâo djru yôm phăn hrŏ trun anom gah dlông hloh, mơnuih ƀă kơman tanh dưi tŭ mă ia jrao hăng plai ƀiă gah anom dlông hloh, hrŏ trun mrô mơnuih djai. Kơnong kơ tơring čar Kiên Giang, Tiền Giang tơlơi klin ngă ăt dô̆ tơnap mơn; lu anom să, phường, tơring kual glăk pơhlôm, glăk mriah ƀơ ƀiă jing kual mriah, jing tơlơi lăp bơngot biă. Khua dêh čar ta kiăng hmư̆ 2 tơring čar anai lăi pơthâo kơ bruă git gai, črâo ba pơgang, pơgăn klin, hluai tui anun pơblang bôh than ba truh, mơng anun pơkra glăi hơdôm jơlan gah pơsir pơphun ngă tui, hơdôm bruă pơgăn klin ba glăi bôh tơhnal.

Siu H’ Prăk: Pô pơblang