VOV4.Jarai - Khua dêh čar ta ơi Phạm Minh Chính hrom hăng grŭp hyu mă mơng mơng Kơnuk kơna hmâo mông mă bruă hăng Khua ƀôn prong Hồ Chí Minh hăng hyu pel ĕp bruă pơgang, pơgăn klin ƀơi ƀôn prong Hồ Chí Minh. Amăng mông mă bruă Khua dêh čar ta lăi rơđah, bruă ngă tui tơlơi črâo ba mrô 16 pioh kơ ƀôn prong lĕ sa bruă ngă tơnap tap biă, khă hnun hai truh mông anai pơsit anai lĕ tơlơi pơsit djơ̆, hmâo tơlơi pơmin hrom thâo, pơsit phun, bôh yôm djơ̆ mông, djơ̆ anih.

Khua dêh čar ta pơsit yôm bruă ƀôn prong Hồ Chí Minh ngă tui ha amăng plĕ 2 mơta bruă pơgang rah klin ruă, pơđĭ kyar rah bruă bơwih ƀong mơnuih mơnam. Khua dêh čar rơkâo khom ngă tui tơlơi dưi ngă, pơblang hơdôm bôh than akă dưi ngă kiăng pơsir lom pok pơhai ngă tui. Đing nao hlâo pơgang pơgăn klin, bơwih brơi tơlơi hơdip mơda mơnuih ƀôn sang lĕ blung hlâo, ƀu pioh mơnuih ƀôn sang hơpă kơƀah tơnap, ngă hơdư̆ hĭ mrô mơnuih djai. Khua dêh čar ta pơtă, tơlơi klin ngă akă ƀu hmâo mơng hlâo, yua anun lom pok pơhai ngă tui tâ̆o hloh hluai tui hăng pơpŭ bôh nik, mă bôh nik kiăng lăng nao, anăm hăt hŏt, rŏt đơi, ngă rah hăng mă tŭ rah tơlơi găn rơgao./.

Siu H’ Prăk: Pô pơblang