VOV4.Jarai - Čơtlăm lơ 21/6, Khua dêh čar ta ơi Phạm Minh Chính git gai bruă jơnum lăng nao rai amăng tivi hăng 32 bôh tơring čar, ƀôn prong kơ bruă pơgang, pơgăn klin Covid-19. Anai lĕ hơdôm anih anom hmâo klin ngă ƀudah hmâo hơdôm kual sang măi, kual pơkra gơnam hăng măi mok prong. Khua dêh čar ta ơi Phạm Minh Chính pơsit, tơlơi ngă dlêh tơnap, ƀu thâo him lăng, pơkă lăng hlâo. Sa wot dong Khua dêh čar ta bâo glăi, klin amra gluh đĭ hơbin ƀu thâo hlâo, ƀơi hơpă ôh anun ƀu dưi lui raih. Tal anai, glông bruă kơđi čar ƀơi anih anom khom ngă tui khop hloh, biă ñu lăi rơđah, khom thâo ƀơi anom bruă. Wai lăng mơnuih ƀơi anih anom anun, gum hrom kơjăp hloh, kông ang, khul ling tơhan, hơdôm khul grŭp gơgrong bruă kiăng ngă klă bruă pơgang wai lăng, tơlơi rơnuk rơnua hơđong, pơhlôm, hơđong kơ mơnuih ƀôn sang. Khua dêh čar ta lăi rơđah, tơhnal ngă tui sa wot dua mơta bruă lĕ tơnap biă. Samơ̆ tơnap hai ăt khom ngă mơn, yak rơgao kiăng pơsit pô, hmâo dong tơlơi găn rơgao git gai črâo ba. Lăng tui, pơkă lăng hlâo klă tơlơi hmâo ba tơbiă hơdôm hơdră pơsit djơ̆, ba glăi bôh tơhnal, ba glăi tơlơi đăo gơnang kơ mơnuih ƀôn sang, ba tơbiă jơlan gah pơsir bruă mă ba glăi bôh than hmâo tơhnal klă./.

Siu H’ Prăk: Pô pơblang