VOV4.Jarai - Mơguah lơ 22/9, ƀơi Hà Nội, ơi Phạm Minh Chính, Ding kơna Ding jum kơđi čar, Khua dêh čar ta hơmâo nao ngă lơphet pơphun mut sang hră thun hrăm 2021-2022 ƀơi sang hră pơtô hrăm ling tơhan (gah Ding jum ling tơhan). Thun hrăm 2021-2022, Sang hră đing nao pơtô hrăm klă dong djop mơta anun lĕ bruă pơtô hrăm, kơsem min, đing nao pơlăi nao rai amăng bruă pơtô hrăm brơi lăp djơ̆ hăng rơnuk phrâo, pơlir hăng tơlơi hrăm hăng bruă sit nik; ngă tui djơ̆ tơlơi pơkă amăng pơtô hrăm, pơplông, boh tơhnal ba glăi; khut khăt ngă tui “3 mơta tơlơi sit nik”, khut khăt pơgăn ngă soh amăng pơtô hrăm, amăng bruă mă. Khua dêh čar ta ơi Phạm Minh Chính pơtă pơtăn: Thun hrăm 2021-2022, Sang hră pơtô hrăm ling tơhan kiăng gơgrong amăng bruă mă hăng lăi pơthâo hlâo, pơhlôm klă hloh amăng hrơi blan klin ngă tơnap tap; kiăng kơ “ba glăi tơlơi pơplih phrâo, djop mơta amăng pơtô hrăm, hơmâo lu dong mơnuih mă bruă thâo rơgơi, pơhưč hăng yua mơnuih thâo rơgơi”. Pơjing, pok pơhai akŏ bruă pơtô hrăm brơi lăp djơ̆ hăng djop mơta tơlơi amăng hrơi blan hơmâo klin kiăng kơ pơgiong jơlan hơdră brơi hơdôm anih anom hăng pơhlôm brơi bruă pơtô hrăm klă hloh.

Siu Đoan: Pơblang