VOV4.Jarai - Hmư̆ tui tơlơi jak iâu mơng Khua dêh čar Kur, Khua dêh čar ta ơi Phạm Minh Chính hmâo ba jơlan Grŭp khua pơ ala Việt Nam nao pơhmư̆ Jơnum gưl dlông bơkơtuai Gum hrom ASIA hăng EU (ASEM) tal 13 pơphun mơng lơ 25 – 26/11/2021 tui hơdră lăng nao rai mơng ataih. Anai lĕ tơlơi jơnum yôm phăn hloh mơng gum hrom ASEM amăng 3 thun rơgao hăng pơphun djơ̆ tal hơdor glăi 25 thun pơdŏng bruă Bơkơtuai (1996-2021). Nao pơhmư̆ Jơnum thun anai hmâo Khua git gai gưl dlông hăng khua pơ ala mơng 53 ding kơna ASEM. Hăng anăn ñu “Hơkrŭ đĭ bruă lu bơnah yua kơ pơđĭ kyar hrom”, ƀing khua mua ASEM hmâo bơkơtuai hơdôm tơlơi gir run hrom hăng gum hrom lu bơnah amăng pơsir hơdôm tơlơi lông ƀơi kual hăng rŏng lŏn tơnah, bŏng glăi hăng klin Covid-19, pơtrut hơkrŭ glăi hăng pơđĭ kyar bơwih ƀong kơjăp phik, abih bang, hăng kơtưn tô nao rai mơnuih mơnam hăng bôh thâo. Ƀing khua mua ăt lăi pơthâo mơn tơlơi pơmin kơ bruă kơđi čar, bơwih ƀong mơnuih mơnam ƀơi dua kual hăng bơkơtuai hơdôm jơlan gah kiăng pơtrut hloh dong bruă gum hrom ASEM./.

Siu H’ Prăk: Pô pơblang