VOV4.Jarai - Khua dêh čar ta ơi Phạm Minh Chính phrâo bưp ƀing pơ ala brơi tơhan djrŭ ngă hơkrŭ, ƀing sang anŏ tơhan djai pơsăn drơi ƀrô tal hơdor glăi 74 thun hrơi tơhan rơka - djai pơsăn drơi (27/7/1947 - 27/7/2021). Amăng mông bưp, 50 čô mơnuih pơ ala brơi mơnuih djru ngă hơkrŭ ba gru hrưn đĭ amăng tơlơi hơdip mơda, pơgôp prong prong amăng bruă pơjing hăng pơđĭ kyar lŏn ia, anai lĕ ƀing pơ ala brơi rơbêh 9 klăk 200 rơbâo čô mơnuih djru ngă hơkrŭ amăng đơ đam dêh čar ta nao jơnum pơđut pioh hơdor glăi rơnuk plah wang pơklaih rơngai lŏn ia.

Khua dêh čar ơi Phạm Minh Chính bưp ƀing tơhan djru hơkrŭ, hơdôm sang anŏ tơhan djai pơsăn drơi

Đĭ pơhiăp amăng mông bưp, Khua dêh čar ta ơi Phạm Minh Chính pơ ala brơi Khua git gai Ping gah, Kơnuk kơna, mơ-it nao ƀing ling tơhan djru ngă hơkrŭ đưm hlâo adih, ƀing amĭ Việt Nam sông kơtang, ƀing ling tơhan rơka, ƀing sang anŏ tơhan djai pơsăn drơi, ƀing mơnuih djru hơkrŭ lŏn ia hơdôm tơlơi pơpŭ bơni hăng hơdor tơngia ƀing gơñu. Khua dêh čar ta lăi pơtong hơdor tơngia amra hrŏm hăng tơlơi gum djru, anai lĕ hơdră bruă mơ̆ djop gưl, mơnuih ƀon sang đing nao hăng anai lĕ gru grua hiam klă mơng dêh čar ta.

Siu Đoan: Pơblang