VOV4.Jarai - Tlam lơ 13/7, ƀơi Ƀirô Kơnuk kơna, Khua dêh čar ta ơi Phạm Minh Chính mă bruă hăng Ding jum gru grua, bơrơguăt drơi jăn hăng tuai čuă ngui kơ bruă bơrơguăt drơi jăn hăng bưp sa, dua čô mơnuih bơrơguăt drơi jăn hlâo kơ nao pơplông Olympic Tokyo 2020. Đĭ pơhiăp amăng mông mă bruă, Khua dêh čar ta ơi Phạm Minh Chính lăi rơđah, bruă bơrơguăt drơi jăn kiăng pơhlôm drơi jăn găng añrăng lĕ sa amăng hơdôm hơdră bruă yôm mơng Ping gah, Kơnuk kơna ta. Suaih pral kah mơng dưi pơjing lŏn ia hiam klă. Pơ anăp anai, ƀing bơrơguăt drơi jăn amra pơ ala brơi dêh čar ta nao pơplông Olympic Tokyo 2020. Anai lĕ tơlơi pơ-ư pơ-ang mơng gơnong bruă bơrơguăt drơi jăn, hăng ƀing mơnuih nao pơplông. Biă mă ñu lĕ pơplông bơrơguăt drơi jăn brơi ƀing mơnuih drơi jăn ƀu klă hiam. Khua dêh čar ta pơpŭ hơdôm tơlơi dưi ngă mơng gơnong bruă bơrơguăt drơi jăn Việt Nam amăng thun blan laih rơgao, sit biă ñu pran pơplông jai hrơi kơtang tui. Ƀrô tal anai khua dêh čar ăt mơ-it tơlơi pơtrut pơsur nao abih bang ƀing mơnuih nao pơplông Olympic Tokyo 2020.

Siu Đoan: Pơblang