VOV4.Jarai - Mơmŏt lơ 22/11, Khua dêh čar ta ơi Phạm Minh Chính hăng ƀing khua mua mơng dêh čar Việt Nam nao truh laih pơ Tokyo, pơphun hrơi nao čuă sit nik dêh čar Japan tui tơlơi jak iâu mơng Khua dêh čar Japan ơi Kashida Fumio. Amăng hơdôm hrơi nao čuă, Khua dêh čar ơi Phạm Minh Chính amra jơnum bơkơtuai hăng Khua dêh čar Japan ơi Kashida Fumio; nao lăng mông kĭ pơkôl hăng pơjao nao rai hơdôm hră pơkôl ngă hrŏm; bưp Khua git gai pơ ala mơnuih ƀon sang gơnong glông Japan Santo Akiko; Khua git gai pơ ala mơnuih ƀon sang gơnong yŭ Hosoda Hiroyki. Amăng nao čuă anai, Khua dêh čar ơi Phạm Minh Chính ăt bưp hơdôm khul grup kơđi čar, mơnuih mơnam Japan; Khua dêh čar Japan hơđăp ơi Shinzo Abe; nao jơnum bơkơtuai hăng anom bơwih ƀong sĭ mơdrô dua bơnah, Jơnum pơsur tuh pơ alin, Jơnum ngă hrŏm kơplah wah djop tơring čar, ƀôn prong; bưp hơdôm khul grup bơwih ƀong huă pơprong amăng dêh čar Japan. Khua dêh čar ta ăt amra hơmâo mông bưp ƀing apăn bruă, mơnuih mă bruă amăng Sang anih jưh pơ ala dêh čar Việt Nam, mơnuih ƀon sang Việt Nam glăk hrăm hră, mă bruă hăng dŏ hơdip ƀơi dêh čar Japan.

Siu Đoan: Pơblang