VOV4.Jarai - Amăng mông lăi pơthâo tơlơi klah čun mơng Khua dêh čar ơi Phạm Minh Chính ƀơi mông bưp ƀô̆ mơta hăng ƀing mơnuih kơsem min bôh thâo phrâo, hơdôm bôh anom bơwih ƀong kơsem min, pơkra rai vaccine pơgang Covid-19, Khua dêh čar ta rơkâo đing nao pơtlaih hmao tlôn hơdôm tơlơi tơnap, tơlơi gun gah tơlơi phiăn, hơdră pơkă, hơdră bruă hluai tui pran jua lăng tui bôh nik, ngă gal brơi hloh kơ bruă kơsem min, pơtô glăi hơdră bôh thâo phrâo hăng pơkra vaccine. Khua dêh čar ta ơi Phạm Minh Chính rơkâo kơ tơlơi thâo kiăng tŭ ư hrom vaccine hmâo tơhnal pơsit, ngă tui, sui thun amăng pơgang, pơgăn klin lăi hrom hăng amăng pơgang, pơgăn klin Covid-19 lăi ha jăn, hrom hăng anun khom dŏng amăng bruă abih bang kơsem min, pơtô glăi hơdră phrâo pơkra vaccine kiăng gơgrong hlâo rah amăng bruă pơgang, pơgăn klin rah, pơkrem rah ngăn drăp kơnuk kơna wot ƀơi anăp hăng sui thun. Gah bruă mă, jơlan gah pơsir pơ̆ anăp, Khua dêh čar ta rơkâo khom pơdŏng bruă mă, Jơlan hơdră mơng lŏn ia, kơčăo bruă sui thun, abih bang pioh kơsem min pơkra, pơtô glăi hơdră pơkra vaccine, biă ñu lĕ vaccine pơgang Covid-19./.

Siu H’ Prăk: Pô pơblang