VOV4.Jarai - Čơtlăm lơ 13/8, tui tơlơi rơkâo mơng bơnah dêh čar Japan, Khua dêh čar ta ơi Phạm Minh Chính hmâo tŭ jum Khua anih jưh pơ ala kơ Japan ƀơi Việt Nam Yamada Takio.

Amăng mông tŭ jum, Khua dêh čar ơi Phạm Minh Chính pơsit Gong gai dêh čar, hơdôm ding jum, gơnong bruă hăng tơring čar, ƀôn prong mơng Việt Nam hmâo laih, glăk hăng amra gum hrom dong, ngă tui hơdôm bruă pơsir dlông hloh tơdah dưi kiăng djru anom bơwih ƀong dêh čar tač rơngiao, amăng anun hmâo anom bơwih ƀong Japan hơkrŭ pơsir tơlơi tơnap, djă pioh bruă bơwih ƀong huă, hơdôm bruă kiăng ngă. Amăng tơlơi klin ngă tơnap, pơplih tañ, Khua dêh čar ơi Phạm Minh Chính rơkâo Khua anih jưh pơ ala kơ Japan ơi Yamada rơkâo hăng Gong gai hăng hơdôm ƀirô bơdjơ̆ nao mơng Japan djru gum dong, pioh glăi vaccine kơ Việt Nam; pơtrut gum hrom pơkra hăng pơtô glăi hơdră pơkra vaccine hăng ia jrao pơjrao Covid-19 hăng Việt Nam./.

Siu H’ Prăk: Pô pơblang