VOV4.Jarai - Lơ 4/11, amăng hơdôm hrơi nao čuă siit nik dêh čar Prang, Khua dêh čar ta ơi Phạm Minh Chính hơmâo mông bưp Pha-bieng Rút-Xen, Khua git gai Ping gah Cộng sản Prang. Amăng mông bưp, Khua dêh čar ta ơi Phạm Minh Chính lăng yôm hơdôm hơdră bruă mơng dua bơnah kiăng ba tơlơi rô nao rai jai dơlăm hăng tŭ yua tui, sit biă ñu amăng hơdôm bruă glăk hơmâo lu tơlơi dưi ră anai kiăng ngă pơđĭ kyar dua bơnah.

Hok mơ-ak hăng hơdôm tơlơi dưi ngă mơng Ping gah Cộng sản Việt Nam amăng bruă git gai lŏn ia hăng tơlơi rô nao rai kơplah wah dua boh dêh čar ƀu pơdơi hơkrŭ kjăp hăng pơđĭ kyar, Khua git gai Ping gah Cộng sản Prang Pha-biêng Rút-xen đăo gơnang tal nao čuă anai mơng Khua dêh čar Việt Nam ơi Phạm Minh Chính amra pơtrut tơlơi rô nao rai dua bơnah jai hrơi hiam klă pơ anăp anai. Ƀing mơnuih tui Ping gah Cộng sản Prang lêng kơ dong yua hăng amra tŏ tui gir run abih pran jua kiăng pơgôp amăng tơlơi rô nao rai ngă hrŏm kơplah wah dua Ping gah, dua boh dêh čar hăng mơnuih ƀon sang Việt Nam hăng Prang.

Siu Đoan: Pơblang