VOV4.Jarai - Mơguah lơ 21/12, Ding jum tơlơi phiăn pơphun Jơnum đơ đam dêh čar pok pơhai bruă tơlơi phiăn thun 2022 tui hơdră lăng nao rai mơng ataih ƀơi 63 anih anom tô nao rai hơdôm bôh tơring čar, ƀôn prong.

Khua dêh čar Phạm Minh Chính pơhiăp amăng mông jơnum

Nao pơhmư̆ hăng đĭ pơhiăp amăng mông jơnum, Khua dêh čar ta ơi Phạm Minh Chính pơ ala kơ Ping gah, Kơnuk kơna, pơsit yôm hơdôm tơlơi gir run, gơgrong mơng abih bang gơnong bruă tơlơi phiăn, pơphun bruă tơlơi phiăn hơdôm ding jum, gơnong bruă, ƀirô tơlơi phiăn plơi pla hmâo laih lu bôh tơhnal yôm phăn. Pơ̆ anăp anai, Khua dêh čar ta rơkâo khom đing nao ngăn rơnoh ngă tui 6 mơta bruă mă phun amăng thun 2022. Amăng anun lăi rơđah pơđĭ tui tơlơi pơmin kơ anih gơgrong, bruă mă, tơhnal yôm phăn mơng bruă pơdŏng hăng ngă tui tơlơi phiăn; kiăo tui jơlan gah, hơdră pơtrun mơng Ping gah, tơlơi sit nik kiăng tañ pơplih phrâo hơdră pơkă, bruă phiăn dưi ngă tui, ba glăi bôh tơhnal pơtlaih tơnap, tơlơi gun, tơlơi pơgăn hăng hơdră pơkă./.

Siu H’ Prăk: Pơblang