VOV4.Jarai -  Mơguah lơ 20/8, Khua dêh čar ta hmâo mă yua Tơlơi pơsit kơ bruă mă yua braih mơng dêh čar ta brơi kơ 24 bôh tơring čar, ƀôn prong kiăng djru brơi mơnuih ƀôn sang bưp tơnap yua kơ klin Covid-19. Khua dêh čar ta pơsit rơkâo Ding jum prăk kak pha brơi rơbêh kơ 130 rơbâo tơn braih mơng braih djă pioh mơng Lŏn ia kơ 24 bôh tơring čar, ƀôn prong kiăng djru brơi kơ mơnuih ƀôn sang bưp tơnap yua kơ klin Covid-19 ngă anun lĕ: Daklak, Daknông, Đồng Tháp, Tây Ninh, Cà Mau, Vĩnh Long, Long An, Kiên Giang, Trà Vinh, Khánh Hòa, Bình Dương, Bến Tre, Bình Định, An Giang, Nghệ An, Tiền Giang, Đồng Nai, Bà Rịa-Vũng Tàu , Phú Yên, Đà Nẵng, Cần Thơ, Bình Thuận, Ninh Thuận hăng ƀôn prong Hồ Chí Minh. Jơnum min mơnuih ƀôn sang hơdôm bôh tơring čar, ƀôn prong phrâo lăi anun gơgrong ba bruă mă djơ̆ mơng mrô lăi pơthâo glăi hăng djru hmao tlôn, djơ̆ mơnuih, rơnoh pơkă tui tơlơi pơkă hăng djơ̆ hăng bruă pơgang pơgăn klin ƀơi plơi pla./.

Siu H’ Prăk: Pô pơblang