VOV4.Jarai - Khua dêh čar ta hơmâo pơtrun tơlơi pơsit kơ bruă tŭ yap Jơlan hơdră pơđĭ kyar sĭ mơdrô ƀơi kual ataih, asuek hăng bul pơtâo rơwang thun 2021-2025. Jơlan hơdră hơmâo ba tơbiă sa, dua hơdră bruă pơđĭ kyar, anun lĕ pơjing hơbô̆ bruă pơđĭ kyar sĭ mơdrô tui hơdră sĭ mơdrô amăng să, tơring kual; Pok anih anom sĭ mơdrô hăng hơdôm gơnam đang hmua, kmơk, ia jrao pioh ngă hmua lăp djơ̆ hăng tơlơi gal amăng bơwih ƀong huă-mơnuih mơnam kual ataih, asuek; pơđĭ kyar sang čơ blơi gơnam đang hmua ƀơi hơdôm kual bơwih ƀong pơƀut; pơsur pơđĭ kyar djop mơta bruă sĭ mơdrô tui sang anŏ, anom bơwih ƀong sĭ mơdrô. Bruă khua dêh čar tŭ yap Jơlan hơdră pơđĭ kyar sĭ mơdrô kual ataih, asuek hăng bul pơtâo rơwang thun 2021-2025 lĕ sit nik biă mă, pơdah tơlơi đing nao mơng Ping gah hăng Kơnuk kơna hăng hơdôm kual tơnap tap anai.

Siu Đoan: Pơblang