VOV4.Jarai - Mơguah lơ 8/1, tơdơi kơ mông čơkă hăng pơbưp nao rai, Khua dêh čar ơi Phạm Minh Chính hăng Khua dêh čar Lao Phankham Viphavanh git gai mông jơnum hăng ƀing mă tơlơi pơhing phrâo kiăng kơ lăi pơthâo hơdôm boh tơhnal mơng jơnum bơkơtuai hăng pơphun thun gum pơgôp giang mah Việt Nam-Lao, Lao-Việt Nam 2022.

Pơphun thun gum pơgôp giang mah Việt Nam - Lao

Đĭ pơhiăp amăng mông jơnum hrŏm, dua čô khua hơmâo lăi glăi hơdôm boh tơhnal yôm phun mơng mông jơnum bơkơtuai, dua čô khua brơi thâo tơlơi rô nao rai giang mah hing ang, pran gum pơgôp hăng ngă hrŏm djop mơta kơplah wah dua Ping gah, Kơnuk kơna hăng mơnuih ƀon sang amăng thun blan laih rơgao hơmâo hơkrŭ kjăp na nao. Khua dêh čar dua bơnah amra tŏ tui git gai djop ding jum, gơnong bruă, ƀon lan tañ pel ĕp, pơsir hĭ tơnap tap, ba tơbiă hơdôm hơdră bruă, ngă gêh gal kiăng pơtrut ngă hrŏm sĭ mơdrô hăng tuh pơ alin, pơhlôm djơ̆ thun blan, man pơkra klă hloh hơdôm akŏ bruă ngă hrŏm phun kơplah wah dua bơnah.

Siu Đoan: Pơblang