VOV4.Jarai - Lơ 10/1, ƀơi Ƀirô Kơnuk kơna, Khua dêh čar ơi Phạm Minh Chính hăng Khua dêh čar Lao Phakham Viphavanh hơmâo git gai mông jơnum tal 44 Jơnum min pơlir hơbit Kơnuk kơna kơ ngă hrŏm dua bơnah Việt Nam - Lao. Dua bơnah hơmâo pơčrông sai tŭ ư hrŏm, sit biă ñu hơdôm tơlơi pơgôp hiăp mơng dua ding jum kơđi čar hăng tơlơi pơkôl akŏ bruă ngă hrŏm kơplah wah dua boh dêh čar amăng thun 2022, tŭ ư hăng bruă pơphun pok pơhai khut khăt mơng hơdôm hrơi akŏ thun mơtăm kiăng kơ pơtrut ngă hrŏm amăng djop mơta bruă mơng kơđi čar - pơtom hiăp - pơhlôm rơnuk rơnua, tuh pơ alin - sĭ mơdrô.

Jơnum tal 44 jơnum min pơlir hơbit Kơnuk kơna Việt Nam - Lao

Hơdôm boh tơhnal hăng hơdră bruă bơkơtuai amăng tal jơnum anai lĕ yôm phăn biă mă amăng bruă pơsit tong glăi hơdôm tơlơi pơkôl ngă hrŏm dua Kơnuk kơna, djru brơi djop ding jum, gơnong bruă, gong gai ƀon lan, anom bơwih ƀong sĭ mơdrô dua bơnah gêh gal dong lơ̆m pok pơhai ngă tui hơdôm bruă ngă hrŏm, anăp nao hơdôm tơlơi dưi prong tui akŏ bruă ngă hrŏm thun 2022. Tơdơi kơ tal jơnum anai, dua čô Khua dêh čar lăng arăng kĭ pơkôl, pơjao nao rai 9 pok hră pơ-ar ngă hrŏm kơplah wah Kơnuk kơna hăng djop ding jum, gơnong bruă, anom bruă, anom bơwih ƀong sĭ mơdrô dua bơnah.

Siu Đoan: Pơblang