VOV4.Jarai - Tom brơi lơ 8/6, Khua ding jum ia jrao dêh čar ta ơi Nguyễn Thanh Long hmâo laih hơdôm mông mă bruă pha ra hăng ƀing Khua anih jưh pơ ala kơ dêh čar Australia, Prang hăng Thụy Sỹ ƀơi dêh čar Việt Nam kơ gum hrom amăng bruă pơgang, pơgăn klin Covid-19, biă ñu lĕ bruă ngă gal brơi, kiăng Việt Nam hmâo vaccine pơgang Covid-19.

Khua ding jum čang rơmang Australia, Prang hăng Thụy Sỹ lăng ba dong kiăng Việt Nam hmâo lu hloh hăng mrô vaccine pơgang Covid-19. Yă Mobyn Mudie, Khua anih jưh pơ ala kơ Australia ƀơi Việt Nam brơi thâo, Kơnuk kơna Australia hmâo yua laih 130 klăk dolar Australia hluai tui hơdră COVAX. Kơnong kơ Việt Nam, abih bang nua djru jơlan hơdră vaccine mơng Australia kơ Việt Nam lĕ 40 klăk dolar Australia pioh blơi vaccine pơgang Covid-19./.

Siu H’ Prăk: Pô pơblang