VOV4.Jarai-Ƀrô hơdor glăi tal 96 thun hrơi Hră pơhing hơkrŭ Việt Nam lơ 21/6, ơi Nguyễn Thanh Long, Khua ding jum ia jrao hơmâo hră mơ-it kơ djop sang bruă čih tơlơi pơhing phrâo. Nai tha prin, nai prin tha, ơi Nguyễn Thanh Long, Khua ding jum ia jrao lăi: Djop sang bruă tơlơi pơhing, hrom hăng Ding jum ia jrao ngă djơ̆ bruă git gai, pơčrâo ba, anăp nao, djru hrom mơnuih ƀôn sang thâo hluh laih anun ngă gêh gal tŭ ư sa pran jua mơ̆ng mơnuih mơnam gum hrom gah bruă ia jrao.

Amăng hră mơ-it, pơ ala kơ khua mua amăng anom bruă ia jrao, Khua ding jum ơi Nguyễn Thanh Long mơ-it kơ abih bang ƀing čih tơlơi pơhing, ƀing ngă bruă amăng anom bruă hră pơhing phrâo amăng dêh čar hăng tơlơi pơpŭ hiam klă hloh.

Boh nik ñu, amăng bruă pơhlôm, pơgang klin Covid 19, lu mơnuih hur har, nao čih tơlơi pơhing amăng anih hơmâo klin kơtang, ba tơlơi pơhing hmao kru, kiăng lăi pơthâo tơlơi gir run mơ̆ng Ping gah, kơnuk kơna hăng abih bang mơnuih mơnam pơgăn klin kheng tŭ yua, ngă giong bruă jao kơ ƀing čih tơlơi pơhing phrâo.

Nay Jek: Pơblang