VOV4.Jarai -  Đại tướng Phan Văn Giang, Ding kơna Ding jum kơđi čar, Khua Ding jum khul ling tơhan tŭ jum ơi Park Jae Min, Kơ-iăng Khua Ding jum khul ling tơhan Hàn Quốc amăng rơwang khua pơ ala gưl dlông dêh čar anai rai pơ̆ dêh čar Việt Nam gum hrom bơkơtuai hơdră bruă pơgang lŏn ia Việt Nam – Hàn Quốc tal 9.

Đại tướng Phan Văn Giang pơsit amăng giăm truh 30 thun rơgao yap mơng hrơi pơdŏng bruă pơtom hiăp, biă ñu lom pơdŏng tơlơi “Gum hrom bruă mă tañ”, tơlơi gum hrom giăng mah Việt Nam – Hàn Quốc pơđĭ kyar jai hrơi jai kơtang, dơlăm hăng sit nik. Biă ñu bruă bơwih ƀong, sĭ mơdrô hăng tuh pơplai, djru pơđĭ kyar bơwih ƀong – mơnuih mnam, kơtưn tơlơi thâo hluh nao rai tơdruă hăng tơlơi rô nao rai giăng mah kơplah wah mơnuih ƀôn sang hăng khul ling tơhan dua bôh dêh čar. Pơsit yôm bôh tơhnal mông bơkơtuai hơdră bruă Pơgang lŏn ia Việt Nam – Hàn Quốc tal 9 hăng hơdôm tơlơi gir run, bôh tơhnal gum hrom kơplah wah Ding jum khul ling tơhan dua bôh dêh čar hơdôm hrơi rơgao, Khua ding jum Phan Văn Giang čang rơmang pơ̆ anăp anai, dua bơnah kơtưn đĭ hloh dong tơlơi rô nao rai giăng mah gum hrom ba glăi bôh tơhnal hăng sit nik amăng lu bruă./.

Siu H’ Prăk: Pô pơblang