VOV4.Jarai-Khua ding jum pơtom hiăp dêh čar ta ơi Bùi Thanh Sơn hơmâo pơhiăp telephôn hăng Khua ding jum pơtom hiăp dêh čar Singapore, Vivian Balakrishnan. Ơi Bùi Thanh Sơn lăng yôm biă mă tơlơi dong yua mơ̆ng Singapore pioh kơ Việt Nam, biă mă ñu, ƀuăn djru gơnam yua mă bruă, gơnam yua gah ia jrao pơgang klin Covid 19, amăng anun bruă Keh prăk Temasek mơ̆ng dêh čar Singapore hơmâo jao kơ Việt Nam 16 boh măi suă pran hăng hơdôm rơtuh rơbâo mơta gơnam yua gah ia jrao, anŏ pơhlôm bruă ia jrao; lăng anai bruă ngă hiam djru nao rai tong ten giăng mah gơyut gơyâo laih anun bơnah ngă hrom mơ̆ng dua bơnah dêh čar.

Lăi nao kơ bruă ngă giăng mah dua bơnah, dua čô khua ding jum pơtom hiăp tŭ ư pơtrut tui hloh djop bruă ngă hrom kah hăng amăng bruă kơđi čar, bơwih ƀong huă, sĭ mơdrô, tuh pơ alin, pơtô hăng pơjuăt kiăng ngă kjăp tui na nao hăng pơđĭ kyar tơlơi ngă giăng mah rô nao rai kơplah wah Việt Nam-Singaopore.

Nay Jek: Pơblang