VOV4.Jarai - Mơguah lơ 9/12, ƀơi Hà Nội, Khua git gai Ping gah dêh čar ta ơi Nguyễn Phú Trọng git gai Jơnum mơnuih apăn bruă đơ đam dêh čar ta lăi pơthâo, pok pơhai Klah čun hăng Tơlơi pơkă mơng Grŭp mă bruă Ping gah dêh čar ta kơ bruă pơdong hăng pơkra Ping gah. Bruă jơnum yua kơ Ding jum kơđi čar, Grŭp git gai Ping gah pơphun tui hơdră ƀơi anăp pơkĕ hrom hăng lăng nao rai mơng ataih.

Pơhiăp črâo ba amăng mông jơnum, Khua git gai Ping gah dêh čar ta ơi Nguyễn Phú Trọng lăi rơđah tơlơi pơmin hluh gah lĕ pơdŏng Ping gah nao hrom hăng pơplih pơkra, hơkrŭ đĭ Ping gah; Ping gah khom klă, kơjăp gah kơđi čar, tơlơi pơmin hăng pơphun bruă. Khua mir sir Hồ Chí Minh kiăng khăp mơng ƀing ta hlâo kơ rơngiă, amăng Kông ngăn pioh glăi mơng Ñu, Ñu hmâo pơtă pơtăn: Tơdơi kơ tlaih rơngai kual Dơnung dêh čar, pơlir hơbit lŏn ia lĕ bruă mă blung a khom pơplih pơkra hơkrŭ glăi Ping gah. Ping gah hmâo kơtang kah bruă hơkrŭ mơng truh kih ăt kah hăng mơnuih waih song kơjăp anun kah song mơng dưi đuăi./.

Siu H’ Prăk: Pơblang