VOV4.Jarai - Mơguah lơ 16/12 ƀơi Hà Nội, Ping gah khul ling tơhan dêh čar pơphun Jơnum tal 3, rơwang bruă 2020-2025 hluai tui Tơlơi lăi pơthâo klah čun bruă ling tơhan, pơgang lŏn ia thun 2021, pơsit jơlan gah git gai ngă tui bruă ling tơhan, pơgang lŏn ia hăng pơdŏng Ping gah Khul ling tơhan thun 2022. Khua git gai Ping gah dêh čar ta ơi Nguyễn Phú Trọng, Khua git gai Ping gah khul ling tơhan git gai mông Jơnum. Đĭ pơhiăp pok phun jơnum, Khua git gai Ping gah dêh čar ta ơi Nguyễn Phú Trọng čang rơmang, ƀing khua pơ ala đing nao kơsem min, gum pơhiăp bơkơtuai, pơsit amăng Tơlơi lăi pơthâo glăi klah čun bruă ling tơhan, pơgang lŏn ia thun 2021, hăng tŭ ư hrom pơsit jơlan gah git gai ngă tui bruă ling tơhan, pơgang lŏn ia hăng pơdŏng Ping gah Khul ling tơhan thun 2022 hăng wot rơwang bruă. Čơtlăm hrơi anun mơn, Khua tơhan Phan Văn Giang, Khua Ding jum khul ling tơhan dêh čar git gai Jơnum Ping gah Khul ling tơhan dêh čar hluai tui: Hră čih pơkra Tơlơi pơtrun pơsit mơng Ping gah ling tơhan kơ “Ngă tui kơnuih Ling tơhan Wa Hồ”; Lăi pơthâo glăi tơlơi klah čun ngă tui Tơlơi pơtrun pơsit mơng Ping gah khul ling tơhan dêh čar kơ “Git gai bruă bơwih ƀong huă, pơdŏng bơwih ƀong pơkĕ hrom hăng pơgang lŏn ia mơng Khul ling tơhan truh thun 2020”...

Siu H’ Prăk: Pơblang