VOV4.Jarai - Mơguah lơ 18/11, ƀơi Sang bruă Ping gah dêh čar, pơphun jơnum Khul khua git gai bruă pơgang pơgăn hưp ham ƀong kông ngă, yua Khua git gai Ping gah ơi Nguyễn Phú Trọng git gai. Mông jơnum kiăng bơkơtuai, pơgôp hiăp pơsir kơđi tơlơi soh, bruă yua Anom git gai krăp lăng, git gai; bruă pơkra ming, pơhrua tui Tơlơi pơkôl pơkă ngă bruă hăng Tơlơi pơsit jao bruă kơ mơnuih amăng Anom git gai.

Mông jơnum

Ƀơi mông jơnum, Khua mua git gai bruă tŭ ư hrŏm, mơng tơdơi kơ mông Jơnum tal 19 (blan 1/2021) mơng Anom git gai bruă truh ră anai, djŏp gưl ping gah, khul grup ping gah, hơdôm anom bruă hơmâo lu tơlơi gir run, ngă tui klă tơlơi tum pơƀut mơng Anom git gai, biă ñu lĕ lăi pơthâo abih bang, pơphun bruă pơgang pơgăn hưp ham ƀong ngăn kơnuk kơna, phun ñu lĕ hơmâo tơlơi pơmin ƀu klă, hơdip soh sat. Anom git gai ăt lăi mơn bruă ĕp ƀuh, pơsir kơđi tơlơi soh, bruă hưp ham, tơlơi pơmin ƀu klă hơmâo lu tơlơi pơplih klă laih.

Siu H’Mai: Pơblang