VOV4.Jarai - Hmư̆ tui tơlơi jak iâu mơng Khua git gai Ping gah dêh čar ta ơi Nguyễn Phú Trọng hăng bơnai ñu, Khua mir sir dêh čar ta ơi Nguyễn Xuân Phúc hăng bơnai ñu, hrơi anai Khua git gai Grŭp mă bruă Ping gah dêh čar Lao, Khua mir sir dêh čar Lao ơi Thonglun Sisulit hăng bơnai ñu amra pơphun hơdôm bruă rai čuă dêh čar ta amăng dua hrơi lơ 28 hăng lơ 29/6.

Anai lĕ tal hyu čuă dêh čar tač rơngiao blung a mơng ơi Thonglun Sisulit hăng sa čô Khua git gai Ping gah dêh čar, Khua mir sir dêh čar Lao rơwang bruă 2021-2026. Amăng mơguah anai, tơdơi kơ trun mơng rơdêh por ƀơi Tơdron rơdêh por Nội Bài mơtăm, Khua mir sir dêh čar ta ơi Nguyễn Xuân Phúc hăng bơnai ñu amra git gai mông ngă lơphet čơkă jum sit nik, kiăo tui anun Khua git gai Ping gah dêh čar ta ơi Nguyễn Phú Trọng git gai mông bơkơtuai hăng Khua git gai Ping gah dêh čar, Khua mir sir dêh čar Lao ơi Thonglun Sisulit, dua gơñu ăt lăng hmư̆ mơn mông ngă lơphet kĭ hơdôm hră gum hrom kơplah wah dua bơnah. Čơtlăm hrơi anun mơn, Khua git gai Ping gah, Khua mir sir dêh čar Lao bơkơtuai hăng Khua dêh čar ta ơi Phạm Minh Chính hăng Khua git gai wai lăng pơ ala mơnuih ƀôn sang dêh čar ta ơi Vương Đình Huệ./.

Siu H’ Prăk: Pô pơblang