VOV4.Jarai-Mơguah lơ 25/5, ơi Dương Văn Trang-ding kơna apăn bruă ping gah dêh čar, Khua git gai ping gah tơring čar Kon Tum nao čuă, mă bruă hrom anom ngă ƀong hrom gah bruă đang hmua bơkơnar Pôkô Farms ƀơi Đak Hà.

2020 lĕ thun blung a Pô Kô Farms pơdah thâo 2 mơta gơnam sĭ mơdrô: Kơphê hna hăng kơ-uă jing tơpung hăng pơkra gơnam sĭ mơdrô braih hna. Rơngiao kơ tơpung kơphê hna, mă kơphê hơmâo baih hlâo, braih hna ăt jing gơnam sĭ mơdrô ƀong huă klă kơ tơlơi suaih pral, ngă hiam drơi jăn ăt pơkra ming lŭk hrom gơnam hơmâo baih mơ̆ng bruă ngă hmua.

Pô Kô Farms hơmâo sĭ mơdrô gơnam hmư̆ hing, thâo tong ten phun tơdŭ anih pla pơjing ba sĭ amăng dêh čar hăng jar kmar. Thun 2020, rơnoh prăk pơhrui glăi 18 klai prăk. Khua git gai ping gah Kon Tum rơkâo anom bruă ngă ƀong hrom anai ăt ngă kjăp dăp bruă, pơpha mơnuih apăn bruă, wai lăng anom ngă ƀong hrom. Laih dơ̆ng rơkâo tơring glông Đak Hà, pok prong hơdră ngă ƀong hrom ba gru hlâo anai.

Nay Jek: Pơblang