VOV4.Jarai - Mơguah lơ 15/9 ƀơi Hà Nội, Khul apăn bruă Ping gah dêh čar pơphun jơnum đơ đam dêh čar hăng hơdôm anom bruă kơđi čar pok pơhai ngă tui tơlơi pơsit mơng Jơnum Ping gah tal 13. Khua git gai Ping gah ơi Nguyễn Phú Trọng nao jơnum hăng đĭ pơhiăp git gai mông jơnum. Đĭ pơhiăp git gai mông jơnum, Khua git gai Ping gah ơi Nguyễn Phú Trọng lăi rơđah, sa boh dêh čar kiăng hiam klă hrŏm hăng bruă pơtô hrăm, tơlơi pơtă pơtăn, kiăng kơ hơmâo hơdră bruă, tơlơi phiăn, kiăng kơ pơhlôm ngă djơ̆ tơlơi phiăn, pơhlôm wai pơgang tơlơi hiam klă, pơsir khut khăt hơdôm tơlơi ngă soh, bơtơhmal ƀing ngă soh hăng mơnuih ƀon sang, hăng lŏn ia, anai lĕ kiăng kơ wai lăng tui hơdră bruă, tơlơi phiăn, khŏm ba tơbiă tơlơi phiăn, mơ̆ tơdah kiăng tui anun khŏm hơmâo anom bruă kơđi čar.

Hăng pran jua tui anai, Khua git gai Ping gah ơi Nguyễn Phú Trọng rơkâo, djop anom bruă kơđi čar kiăng pơhlôm amăng git gai, gơgrong abih pran hăng kjăp amăng git gai wai lăng djop mơta bruă mơng Ping gah hăng hơdôm khul ling tơhan lăi phara. Anai lĕ hơdôm bruă amra ba glăi tơlơi dưi prong prin amăng djop mơta bruă jao.

Siu Đoan: Pơblang