VOV4.Jarai - Mơguah lơ 28/6, tơdơi kơ mông čơkă sit nik ƀơi Ƀirô Ping gah, Khua git gai Ping gah ơi Nguyễn Phú Trọng hơmâo git gai mông jơnum hăng Khua git gai Ping gah, Khua mir sir dêh čar Lao ơi Thongluon Sisoulith. Amăng mông jơnum đăo gơnang tơdruă, mut hrŏm yôm phăn, ngă giang mah, dua bơnah pơlăi nao rai bruă mă mơng rĭm Ping gah, rĭm dêh čar; lăi nao kơ hơdôm hơdră pơ anăp, hơdră pơđĭ kyar na nao tơlơi rô nao rai dua Ping gah, dua boh dêh čar kah hăng hơdôm bruă jar kmar hăng amăng kual dư bơnah đing nao.

Khua git gai Ping gah ơi Nguyễn Phú Trọng hăng Khua git gai Ping gah, Khua mir sir Lao Thongluon Sisoulith glăk mut nao sang jơnum

Tal nao čuă mơng khua mua Ping gah, Kơnuk kơna Lao djơ̆ hăng tơlơi kiăng mơng dua bơnah kiăng tŏ tui pơlăi nao rai hơdôm tơlơi găn rơgao amăng pơđĭ kyar, hơdôm hơdră bruă pơtrut ngă tŭ yua amăng tơlơi pơkôl mơng Ping gah, dua boh dêh čar amăng thun anai hăng hơdôm thun pơ anăp dong. Mơng anun pơsit tong pran gum pơgôp, đăo gơnang, ngă giang mah, tơpă sit mơng Ping gah hăng Kơnuk kơna, mơnuih ƀon sang dua boh dêh čar kiăng kơ pơlăi nao rai tơlơi găn rơgao amăng pơđĭ kyar, hơdôm hơdră pơtrut ngă tŭ yua hơdôm tơlơi pơkôl mơng khua mua dua Ping gah, dua kơnuk kơna.

Siu Đoan: Pơblang