VOV4.Jarai-Tŭ ư tơlơi jak iâu mơ̆ng khua mua apăn bruă ping gah Cộng sản dêh čar Khač, tlam mơmŏt lơ 6/7, Khua git gai Ping gah dêh čar ơi Nguyễn Phú Trọng ba jơlan hlâo khua mua ping gah dêh čar Việt Nam, jơnum hrom ping gah dêh čar Khač laih anun hơdôm ping gah phun ƀơi rŏng lŏn tơnah.

Ơi Nguyễn Phú Trọng khua git gai ping gah dêh čar

Jơnum anai, akŏ ñu “Yua tơlơi hyuk hyiak mơak klă mơ̆ng mơnuih ƀôn sang, tơlơi gơgrong mơ̆ng ping gah”, hơmâo năng ai 10 rơbâo čô khua mua nao pơhmư̆ mơ̆ng500 ping gai git gai kơnuk kơna amăng rŏng lŏn tơnah. Bruă dêh čar Khač jak iâu Khua git gai ping gah ơi Nguyễn Phú Trọng jơnum hrom sa tơlơi pơpŭ prong, lăng yôm tơlơi gơgrong mơ̆ng Ping gah, kơnuk kơna ta, tơlơi ngă giăng mah Việt Nam hăng Khač.

Boh nik ñu, bruă khua git gai ping gah ơi Nguyễn Phú Trọng nao jơnum laih anun hơmâo tơlơi đĭ pơhiăp kiăng lăi ping gah dêh čar Khač lăng yôm kơnuih Việt Nam amăng mông jơnum prong hrup anai, laih anun pơpŭ kơ bruă ngă giăng mah Việt Nam-Khač, ƀuh rơđah bruă ping gah Việt Nam lăng yôm na nao kơ bruă pơtom hiăp hăng tač rơngiao, khom bơkơnar, pơpŭ nao rai, djru hrom ping gah phun, hơdôm dêh čar hơmâo tơlơi kiăng klă hiam, pơgôp hrom bruă klă kơ rŏng lŏn tơnah.

Nay Jek: Pơblang