VOV4.Jarai - Lơ 14/11, Khua git gai Ping gah ơi Nguyễn Phú Trọng nao Jơnum hrơi gum pơgôp djop djuai anai ƀơi sang gru grua ƀơi ƀut plơi 5, să Yên Sở, tơring glông Hoài Đức, ƀôn prong Hà Nội. Pơhiăp bit hrŏm hăng neh met wa amăng hrơi jơnum tum pơƀut, Khua git gai Ping gah ơi Nguyễn Phú Trọng hok mơ-ak lơ̆m ƀuh ƀing mơnuih apăn bruă hăng mơnuih ƀon sang ƀơi ƀut plơi 5 hơmâo djă pioh na nao pran gum pơgôp, thâo djru tơdruă amăng pơđĭ kyar bơwih ƀong huă amăng djop mơta bruă, črâo brơi mă yua boh thâo măi mok, ră anai ƀut plơi 5 dŏ kơnong 5 boh sang anŏ giăm ƀun rin hăng ƀu hơmâo sang anŏ ƀun rin dong tah.

Khua git gai Ping gah ơi Nguyễn Phú Trọng nao Jơnum hrơi gum pơgôp djop djuai ania ƀơi Hà Nội

Khua git gai Ping gah ơi Nguyễn Phú Trọng rơkâo, gong gai ƀon lan hăng neh met wa tŏ tui gru grua ngă hơkrŭ, hơdip hiam klă hăng pran kơtang mơng gum pơgôp djop djuai ania, tơlơi gir run amăng pơjing ƀuh plơi 5, să Yên Sở kah hăng abih bang plơi pla amăng ƀôn prong Hà Nội jai hrơi pơplih phrâo, hrưn đĭ pơdrong asah.

Siu Đoan: Pơblang