VOV4.Jarai-Ƀơi sang bruă Ping gah dêh čar, ơi Nguyễn Phú Trọng hăng ƀing Khua git gai Ping gah mơnuih ƀôn sang Kur, Khua dêh čar Kur ơi Hun Sen laih anun Khua git gai Ping gah, khua mir sir dêh čar Lao, ơi Thong Lun Sisulith hơmâo bưp nao rai khua mua pơprong klâo boh dêh čar Việt Nam-Kur-Lao.

Khua git gai Ping gah ơi Nguyễn Phú Trọng jơnum hrom khua mua Việt Nam-Kur-Lao

Ƀơi mông bưp, klâo čô khua mơ̆ng klâo ping gah dêh čar, pơčrông sai ĕp glăi bruă ngă hrom thun blan rơgao, bơkơtuai kơ hơdră ngă hrom pơ anăp dơ̆ng; tŭ ư hrom tơlơi ngă giăng mah gru grua, gum pơgôp, jĕ giăm kơplah wah klâo ping gah, klâo boh dêh čar.

Klâo čô khua tŭ ư kơtưn ngă hrom amăng djop bruă mă; pơtrut boh tŭ yua yôm amăng tơlơi phiăn ngă bruă hrom hăng ăt pơtrut ngă hrom djru nao rai pơ anăp adih dơ̆ng, kiăng hơmâo boh tŭ yua kơ mơnuih ƀôn sang klâo bơnah dêh čar, yua kơ tơlơi rơnuk rơnua, hơđong, ngă hrom hăng pơđĭ kyar amăng kual laih anun amăng rŏng lŏn tơnah ăt kar kăi mơ̆n.

Nay Jek: Pơblang