VOV4.Jarai - Mơguah hrơi anai (16/8), Khul apăn bruă Jơnum min djop djuai ania mơnuih mơnam Việt Nam pơphun jơnum lăng nao rai mơng ataih kiăng kơ pok pơhai Jơlan hơdră bruă mă mơng Jơnum min djop djuai ania mơnuih mơnam Việt Nam ngă tui tơlơi pơsit mơng Jơnum Ping gah đơ đam dêh čar tal 13. Khua git gai Ping gah ơi Nguyễn Phú Trọng nao jơnum hăng đĭ pơhiăp git gai mông jơnum. Mông jơnum ania đing nao hơdôm boh tơhnal prong hloh amăng Tơlơi pơsit mơng Jơnum Ping gah đơ đam dêh čar tal 13 djơ̆ hăng tơlơi čang rơmang mơng ƀing păn bruă, Ping gah hăng mơnuih ƀon sang. Tơlơi gơgrong kơtang mơng Jơnum min djop djuai ania mơnuih mơnam Việt Nam hăng hơdôm khul grup ding kơna anun lĕ: tŏ tui pơjing pran thâo gum pơgôp amăng djop djuai ania, ngă pô, kơtưn mut hrŏm amăng mơnuih mơnam; pơtô pơblang, pơtrut pơsur ngă tui jơlan hơdră, tơlơi črâo trun mơng Ping gah, hơdră bruă, tơlơi phiăn mơng Kơnuk kơna; mut hrŏm pơjing Ping gah, Kơnuk kơna jai hrơi ngă bruă tơpă sit, hơđong kjăp.

Siu Đoan: Pơblang