VOV4.Jarai - Mơguah tom brơi (11/6), tui tơlơi git gai mơng Khua git gai Ping gah ơi Nguyễn Phú Trọng, Ding jum kơđi čar hơmâô mông jơnum pơgôp hiăp kơ bruă pơgang klin Covid-19. Pơhiăp pơsit tong amăng mông jơnum, Khua git gai Ping gah ơi Nguyễn Phú Trọng lăi, ƀơi anăp kơ tơlơi tơnap tap mơng klin Covid-19, khua mua Ping gah, Kơnuk kơna, Khul git gai dêh čar amăng pơgang klin hơmâo gơgrong črâo ba hmao tlôn, khut khăt, jak iâu djop anom bruă kơđi čar gum hrŏm hăng ngă tui hơdôm hơdră pơgang klin kjăp hloh.

Khua git gai Ping gah ơi Nguyễn Phú Trọng pơhiăp amăng mông jơnum

Khua git gai Ping gah rơkâo, Khul apăn bruă Ping gah dêh čar, Ping gah amăng Ƀirô Khua pơ ala mơnuih ƀon sang dêh čar, Khul git gai dêh čar amăng pơgang klin Covid-19, djop ding jum, gơnong bruă, gong gai ƀon lan tŏ tui đing nao dong amăng bruă pơgang klin. Khua git gai Ping gah lăi rơđah, anăm pơtah tai, ngă amưng, yua kơ hơdôm tơlơi dưi ngă, tŏ ngă tui hơdôm hơdră bruă, tơlơi pral lui hŭi kơ hơmâo tơlơi truh sat ƀu hmao thâo.

Siu Đoan: Pơblang