VOV4.Jarai - Tlam tom brơi (13/8) ƀơi Ƀirô mă bruă, Khua git gai Ping gah ơi Nguyễn Phú Trọng tŭ jum Khua anih jưh pơprong mơng dêh čar Nga Bezdetko Gennady Stepanovich, ƀrô tal blung a ñu rai mă bruă ƀơi dêh čar Việt Nam. Dua boh dêh čar ăt hơmâo tơlơi pơmĭn hrŏm amăng djop mơta bruă amăng jar kmar, gum hrŏm kjăp hăng dong yua tơdruă amăng hơdôm mông jơñum djop bơnah amăng jar kmar hăng amăng kual.

Tơlơi rô nao rai kơplah wah Ping gah Cộng sản Việt Nam hăng hơdôm Ping gah amăng dêh čar Nga hơmâo lu tơlơi pơplih phrâo, pơgôp yôm phăn amăng bruă hơkrŭ glăi tơlơi rô nao rai dua bơnah. Khua git gai Ping gah lăi pơtong, Ping gah, Kơnuk kơna hăng mơnuih ƀon sang Việt Nam lêng kơ lăng yôm tơlơi gum djru khăp pap mơ̆ dêh čar Liên Xô hơđăp hăng dêh čar Nga ră anai brơi kơ dêh čar Việt Nam, hlâo adơi kar kăi, pơtrut tơlơi rô nao rai ngă hrŏm dua bơnah. Khua git gai Ping gah čang rơmang, Khua anih jưh dêh čar Nga, hăng tơlơi găn rơgao amăng bruă mă hăng jê̆ giăm hăng Việt Nam, amra tŏ tui pơgôp prong prin ba tơlơi rô nao rai kơplah wah Việt Nam hăng Nga hiam klă tui pơ anăp anai.

Siu Đoan: Pơblang