VOV4.Jarai - Tlam lơ 29/10, ƀơi Ƀirô mă bruă, Khua git gai Ping gah ơi Nguyễn Phú Trọng tŭ jum Khua anih jưh pơ ala dêh čar Cuba rai čuă ƀrô tal hơdor glăi 55 thun, mông bưp gru grua kơplah wah Khua mir sir Hồ Chí Minh hăng khua git gai ngă hơkrŭ Cuaba Raul Castro (29/10/1966-29/10/2021) laih anun Khua anih jưh amra pơphun hrơi mă bruă ƀơi dêh car Việt Nam. Ƀrô tal anai, Khua git gai Ping gah ơi Nguyễn Phú Trọng pơsit tong pran gum pơgôp, ngă giang mah hlâo adơi ƀu pơplih, pran kiăng khăp tơdruă mơng Ping gah, Kơnuk kơna hăng mơnuih ƀon sang Việt Nam hăng Ping gah, kơnuk kơna hăng mơnuih ƀon sang Cuba; Việt Nam tŏ tui gum hrŏm hăng Cuba amăng bruă pơplih phrâo bơwih ƀong huă-mơnuih mơnam tui xã hội chủ nghiã. Khua git gai Ping gah ơi Nguyễn Phú Trọng pơpŭ bơni Ping gah, Kơnuk kơna hăng mơnuih ƀon sang Cuba adơi ayong, pran khăp mơng ơi Raul Castro hăng khua mua mơng dêh čar Cuba, mah bưp lu tơnap tap samơ̆ ăt gum hrŏm hăng Việt Nam, sit biă ñu ngă hrŏm amăng bruă vaccine pơgang klin Covid-19.

Siu Đoan: Pơblang