VOV4.Jarai - Tlam lơ 11/8, ƀơi Ƀirô mă bruă, Jơnum min apăn bruă Khua pơ ala mơnuih ƀon sang dêh čar pơphun mông bưp ƀô̆ mơta khua mua amăng Khul apăn bruă tal XIV lơ̆m arăng ƀu ruah glăi apăn bruă hăng ƀing khua mua amăng Jơnum min apăn bruă Khua pơ ala mơnuih ƀon sang dêh čar pơdơi bruă thun tha. Khua git gai pơ ala mơnuih ƀon sang ơi Vương Đình Huệ git gai mông bưp ƀô̆ mơta. Đĭ pơhiăp amăng mông jơnum, Khua git gai pơ ala mơnuih ƀon sang ơi Vương Đình Huệ pơsit tong, Khua pơ ala mơnuih ƀon sang dêh čar lêng lăng yôm, đing tơngia hmư̆, hrăm tui tơlơi thâo thăi, hăng hmư̆ tơlơi pơgôp hiăp mơng ƀing khua mua pơ ala mơnuih ƀon sang amăng tal XIV lơ̆m ƀu hơmâo arăng ruah glăi apăn bruă hăng ƀing khua mua amăng Jơnum apăn bruă Khua pơ ala mơnuih ƀon sang dêh čar pơdơi bruă thun tha laih dong amra rơkâo tơlơi pơgôp hiăp tơdah kiăng mơng Khua pơ ala mơnuih ƀon sang dêh čar, biă mă ñu lĕ akŏ bruă amăng jơlan hơdră bruă mă kiăng ngă tui tơlơi pơsit mơng Jơnum Ping gah đơ đam dêh čar tal 13 hăng hơdôm črăn tơlơi phiăn, hơdôm hơdră bruă tong ten bơdjơ̆ nao bruă mă, bruă jao mơng Khua pơ ala mơnuih ƀon sang dêh čar.

Siu Đoan: Pơblang