VOV4.Jarai - Amăng mông bưp hăng Khua anom bruă Sang gum hơbit djop dêh čar ƀơi Áo, yă Ghada Fathi Waly, Khua git gai pơ ala mơnuih ƀon sang dêh čar ta ơi Vương Đình Huệ lăi pơtong, Sang gum hơbit djop dêh čar lĕ anom bruă akŏ phun amăng hơdră bruă pơtom hiăp hăng gum djru dêh čar Việt Nam amăng bruă pơjing hăng pơđĭ kyar lŏn ia, ngă gêh gal amăng pơđĭ kyar, đĭ tui kơdrưh ang, rup rap mơng Việt Nam amăng jar kmar. Khua git gai pơ ala mơnuih ƀon sang ơi Vương Đình Huệ lăng yôm Sang gum hơbit djop dêh čar lơ̆m djru brơi Việt Nam amăng pơgang klin Covid-19; tŏ tui djru brơi Việt Nam pơđĭ kyar bơwih ƀong huă tơdơi kơ pơgăn hĭ klin, hrŏm hăng pơsir hĭ hơdôm tơlơi bơbeč sat mơng klin Covid-19 nao tơlơi hơdip kơ mơnuih ƀon sang. Ơi Vương Đình Huệ čang rơmang, Sang gum hơbit djop dêh čar amra tŏ tui gơgrong pơhlôm rơnuk rơnua, hơđong amăng rŏng lŏn tơnah, pơtrut ngă tui tơlơi phiăn amăng jar kmar, djru brơi djop dêh čar, amăng anun hơmâo Việt Nam lơ̆m ngă tui Jơlan hơdră bruă mă kiăng pơđĭ kyar hơđong kjăp.

Siu Đoan: Pơblang