VOV4.Jarai-Ƀrô djơ̆ tal hơdor glăi 30 thun hrơi dêh čar Kazakhstan akŏ pơdong kơnuk kơna lŏn ia lơ 16/12/1991-lơ 16/12/2021, pơ ala kơ khua mua pơ ala mơnuih ƀôn sang Việt Nam hăng kơ drơi jăn pô, Khua git gai pơ ala mơnuih ƀôn sang dêh čar Việt Nam, ơi Vương Đình Huệ, mơ-it hră bơni hơơč kơ ơi Maulen Ashimbayev, Khua gơnong dlông hă

Amăng hră mơ-it, Khua git gai pơ ala mơnuih ƀôn sang dêh čar ta hok mơak ƀuh hơdôm thun rơgao, tơlơi ngă giăng mah rô nao rai gru grua hăng ngă hrom lu bơnah kơplah wah Việt Nam hăng Kazakhstan laih anun tơlơi ngă giăng mah mơ̆ng dua bơnah sang bruă khua pơ ala jing anom bruă čih pơkra tơlơi phiăn dêh čar ƀu pơdơi ôh pơ kjăp tui hăng đĭ kyar.

Khua git gai pơ ala mơnuih ƀôn sang dêh čar đăo kơnang, amăng thun blan pơ anăp, ăt amra ngă hrom kjăp hăng anom bruă khua pơ ala gah gơnong dlông hăng gơnong yŭ pơ ala mơnuih ƀôn sang dêh čar Kazakhstan yua kiăng hơmâo boh tŭ yua kơ mơnuih ƀôn sang dua bơnah, yua tơlơi rơnuk rơnua, hơđong, ngă hrom, pơđĭ kyar amăng kual hăng amăng rŏng lŏn tơnah.

Nay Jek: Pơblang