VOV4.Jarai - Tlam lơ 4/8, ƀơi Hà Nội, Khua git gai pơ ala mơnuih ƀon sang dêh čar ta ơi Vương Đình Huệ git gai mông jơnum bưp ƀô̆ mơta ƀing nai ia jrao, ơi ia jrao mơng djop sang ia jrao arăng pơkiăo nao djru ƀôn prong Hồ Chí Minh hăng hơdôm tơring čar kual Dơnung pơgang klin Covid-19. Pơ ala brơi Khua mua Ping gah hăng Kơnuk kơna đĭ pơhiăp amăng mông bưp, Khua git gai pơ ala mơnuih ƀon sang dêh čar ơi Vương Đình Huệ pơdah pral ol kơdol lơ̆m bưp ƀô̆ mơta ƀing ơi ia jrao, nai ia jrao pơ ala brơi giăm 3.000 nai ia jrao nao djru pơgang klin Covid-19 ƀơi ƀôn prong Hồ Chí Minh hăng hơdôm tơring čar kual Dơnung.

Khua git gai pơ ala mơnuih ƀon sang dêh čar ơi Vương Đình Huệ pơpŭ ƀing nai ia jrao, ơi ia jrao amra ngă lar hyu pran khăp pap mơng ƀing gơñu, djru abih pran jua brơi ƀing mơnuih ƀă klin, pơgôp hrŏm hăng hơdôm tơring čar, ƀôn prong gah Dơnung pơgang hĭ klin tañ hloh, kah mơng glăi pơ sang anŏ; laih dong čang rơmang hrŏm hăng djop anom bruă kơđi čar, djop tơring čar gah dơnung amra tañ pơgang klin, ba glăi tơlơi hơdip tui hơđăp.

Siu Đoan: Pơblang