VOV4.Jarai - Tlam mơmŏt lơ 4/11, ƀơi Ƀirô mă bruă, ƀrô hrơi tơlơi phiăn Việt Nam (9/11/2021), Khua git gai pơ ala mơnuih ƀon sang dêh čar ơi Vương Đình Huệ bưp ƀô̆ mơta ƀing khua mua pơ ala mơnuih ƀon sang, ƀing apăn bruă, mơnuih mă bruă amăng grup hơdôm anom bruă phaih phiăn, kơsem min čih pơkra tơlơi phiăn amăng Ƀirô Khua pơ ala mơnuih ƀon sang dêh čar. Đĭ pơhiăp amăng mông bưp ƀô̆ mơta, Khua git gai pơ ala mơnuih ƀon sang dêh čar ơi Vương Đình Huệ lăi pơtong, Hrơi pioh pơpŭ tơlơi phiăn Việt Nam lĕ hrơi mơ-ak kơ abih bang mơnuih, hrơi pioh pơpŭ hăng wai pơgang tơlơi phiăn. Hăng mơnuih mă bruă amăng anom bruă phiah phiăn lĕ jai yôm phăn. Khua git gai pơ ala mơnuih ƀon sang dêh čar čang rơmang, ƀing mơnuih mă bruă amăng tơlơi phiăn kiăng kơ đing tơnga hmư̆ anom bruă lăi pơthâo črăn tơlơi phiăn, hmư̆ tơlơi pơgôp mơng ƀing rơgơi kơhnâo, hmư̆ nao rai tơdruă kiăng kơ pơjing tơlơi phiăn pơhlôm tơpă sit, lăp djơ̆, hơđong, mă yua sui thun; sit biă ñu anăm brơi ngă soh kiăng kơ ba glăi tơlơi dưi mă pô lơ̆m čih pơkra tơlơi phiăn, djơ̆ hăng tơlơi rơkâo, pơđĭ kyar lŏn ia hơđong kjăp hăng tơlơi rơkâo amăng mut hrŏm jar kmar. Anai lĕ hơdôm tơlơi rơkâo yôm hloh mơ̆ mơnuih ƀon sang kiăng mơng ƀing mơnuih čih pơkra tơlơi phiăn.

Siu Đoan: Pơblang