VOV4.Jarai - Mơguah lơ 22/11, ƀơi Sang jơnum Khua git gai pơ ala mơnuih ƀon sang dêh čar, pơphun jơnum lok 5 mơng Jơnum min apăn bruă git gai pơ ala mơnuih ƀon sang dêh čar. Pơphun amăng 2 hrơi, ƀơi mông jơnum anai, Jơnum min apăn bruă git gai pơ ala mơnuih ƀon sang pơgôp hiăp kơ lu tơlơi yôm phun, amăng anun hơmâo bruă prăp lui jơnum “ƀu lăi pơthâo hlâo” pơphun amăng blan 12 pơ anăp. Pơhiăp ƀơi mông jơnum, Khua git gai pơ ala mơnuih ƀoñ sang dêh čar ơi Vương Đình Huệ brơi thâo, lăp đing nao ƀơi mông jơnum anai, Jơnum min apăn bruă pơgôp hiăp kơ tơlơi rơkâo mơng Kơnuk kơna kơ pơhrua tui 2 kơčăo bruă Tơlơi phiăn amăng Jơlan hơdră čih pơkra tơlơi phiăn thun 2022 lĕ: Tơlơi phiăn pơplih pơkra glăi, pơhrua tui sa, dua tơlơi amăng Tơlơi phiăn Tần số vô tuyến điện; Tơlơi phiăn Khăm pơjrao tơlơi ruă (pơplih pơkra glăi). Khua git gai pơ ala mơnuih ƀon sang dêh čar kiăng ngă rơđah tơlơi kiăng biă mă pơhrua nao 2 kơčăo bruă tơlơi phiăn, biă ñu lĕ hơdră ngă bruă prong sem lăng pơsit amăng 2 kơčăo bruă tơlơi phiăn, pơsir hĭ bruă “pơmut nao kiăng dăp anih”.

Siu H’Mai: Pơblang