VOV4.Jarai-Tlam lơ 3/11, Khua git gai pơ ala mơnuih ƀôn sang dêh čar ta ơi Vương Đình Huệ git gai jơnum lok klâo Khul git gai mơ̆ng Ping gah sang bruă khua git gai pơ ala mơnuih ƀôn sang dêh čar, ngă tui 4 mơta bruă phun, pơpha bruă mă gah Kơčăo bruă anăn “Hơdră bruă yôm man pơdong hăng ngă giong hơbô̆ Kơnuk kơna git gai hăng tơlơi phiăn mơnuih mơnam bơkơnar Việt Nam truh thun 2030, anăp nap pơ thun 2045”.

Khua git gai pơ ala mơnuih ƀôn sang dêh čar ơi Vương Đình Huệ

git gai jơnum

Ƀơi mông jơnum anai, Khul khua mua git gai ping gah anom bruă khua git gai pơ ala mơnuih ƀôn sang dêh čar pơtum mă hiăp pơgôp kơ bruă ngă giong Kơčăo bruă mrô 12 “Ngă giong tơlơi phiăn pơgang Phiah phiăn kiăng dưi ngă djơ̆ bruă man pơdong, ngă giong hơbô̆ Kơnuk kơna tơlơi dưi git gai hăng tơlơi phiăn mơnuih mơnam bơkơnar Việt Nam”.

Pơhiăp ƀơi mông jơnum, ơi Vương Đình Huệ Khua git gai pơ ala mơnuih ƀôn sang dêh čar lăng yôm bruă prăp lui hlâo lu mơta hră pơar, hơdră čih pơkra mă bruă ba tơbiă tơlơi pơgôp hiăp kơ mông Jơnum. Tui hăng anŏ čih pioh tơlơi pơgôp hiăp anun, pioh pơbuă tui, ngă giong hĭ Kơčăo bruă djop tơlơi gêh găl, tŭ yua pioh kơ Anom bruă git gai ping gah mơ̆ng grup khua mua pơ ala mơnuih ƀôn sang dêh čar ĕp glăi.

Nay Jek: Pơblang